O rexedor de Abegondo e presidente da Reserva de Biosfera Mariñas Coruñesas, José Antonio Santiso, foi distinguido polo Ministerio de Agricultura pola súa participación no programa Leader. O acto tivo lugar en Jerez de la Frontera.
Dende o Ministerio destacaron este galardón como unha "mostra de agradecemento e posta en valor da súa traxectoria, achega ao enfoque Leader e todo o traballo despregado polos territorios rurais", subliñando o papel do alcalde na "innovación e revitalización rural".
“"ao traballo desenvolvido por centos de persoas que, desde os grupos de desenvolvemento rural, levan máis de tres décadas impulsando proxectos que melloran a vida nos nosos territorios"
Santiso agradeceu o premio e reivindicou o programa Leader como unha "ferramenta eficaz" para xerar emprego e diversificar a economía local nas parroquias rurais.
