A medida, que estará vixente dende o vindeiro 4 de xuño ata o 11 de xullo, responde ás obras que ADIF está a realizar na estación de A Coruña. O Concello brigantino tomou esta decisión tras recibir a comunicación de Renfe sobre as modificacións temporais que afectarán a varios servizos ferroviarios.

No caso das liñas que conectan A Coruña con Ferrol ou Lugo, os viaxeiros terán que desprazarse en autobús entre A Coruña e Betanzos-Infesta. Isto converterá a estación betanceira nun punto clave de intercambio entre os servizos ferroviarios e o transporte por estrada.

Dende o Concello explican que, para asegurar a fluidez das manobras de entrada e saída dos autobuses, é imprescindible manter libre de vehículos o ramal de acceso dende a AC-542. A prohibición de estacionamento rematará o 11 de xullo, data prevista para a conclusión desta fase das obras e a recuperación da normalidade no servizo ferroviario.