O viaxeiro galego forma parte da expedición do MV Hondius, que partiu de Arxentina o 1 de abril. A súa familia confirmou que, a pesar da situación sanitaria que mantén o buque inmobilizado, o pasaxeiro atópase en bo estado de saúde e sen preocupación aparente.
“"Non ten síntomas nin medo."
A comunicación co buque é complicada debido á mala cobertura na zona, pero a familia puido confirmar que o pasaxeiro non presenta síntomas compatibles coa enfermidade e non mostra temor, a pesar de ter compartido zonas comúns con outros viaxeiros. Ata o momento, non se lle realizou ningunha proba médica.
O cruceiro permanece fronte a Cabo Verde mentres as autoridades sanitarias internacionais avalían os próximos pasos a seguir. A situación require vixilancia dos ocupantes do barco para determinar o alcance dos contaxios e a posible necesidade de evacuación ou repatriación.
O pasaxeiro da Coruña é un dos 14 españois a bordo do cruceiro. Segundo a información facilitada pola súa contorna, o seu estado non é preocupante, manténdose asintomático e en contacto cos seus familiares, á espera das decisións das autoridades sobre o futuro inmediato da embarcación.
