O xerente do Consorcio Galego de Servizos de Igualdade e Benestar, Perfecto Rodríguez, acompañado polo alcalde, José Luis Fernández Mouriño, visitou hoxe a escola infantil pública autonómica de Carral. O Concello aproveitará o mes de agosto para realizar traballos de mellora financiados pola Xunta.
O Consorcio achegará case 30.000 euros para actuacións na zona exterior do centro. Construirase un novo almacén para gardar xoguetes e enseres. Ademais, cubrirase o patio exterior, conectando a cuberta xa existente co novo almacén, co obxectivo de que os alumnos poidan usalo durante todo o ano.
Estas melloras forman parte dun programa de intervencións en escolas infantís públicas de 0 a 3 anos de titularidade municipal e autonómica en toda Galicia, ao que a Xunta destina preto de 1 millón de euros. Estes fondos, procedentes do Fondo de Cohesión e Transformación Social (FCT), úsanse para reformas, ampliacións, renovación de cubertas e fachadas ou equipamento en 14 concellos galegos. Os municipios encargarase de executar os traballos, que deberán estar rematados en decembro deste ano.
