Un total de 108 novos efectivos da Policía Nacional comezarán a súa andaina profesional en Galicia como axentes en prácticas. Desta cifra, 50 desenvolverán o seu labor na provincia da Coruña, mentres que o resto se distribuirá polo resto da comunidade autónoma. Parte destes axentes prestarán servizo na propia cidade da Coruña.
O acto de presentación tivo lugar hoxe no Concello da Coruña, coa presenza da alcaldesa, Inés Rey, quen felicitou aos axentes por iniciar a última fase da súa formación. Rey destacou a importancia da profesión de servidor público e a responsabilidade de coidar e protexer aos cidadáns.
“"Confíasevos unha tarefa que deberedes honrar todos e cada un dos días da vosa vida profesional. Coidar e protexer aos cidadáns. Manternos a todos seguros e aplicar a autoridade con temperanza e determinación. A vosa é unha das máis difíciles profesións do noso tempo. Unha das máis fundamentais. Comezades agora o camiño do servidor público. É o camiño dos que antepoñen o todo ao particular."
A rexedora tamén subliñou a importancia da colaboración entre os corpos de seguridade locais e nacionais para mellorar os servizos na Coruña e en toda Galicia. "O obxectivo último que temos que ter todas as administracións é remar nunha mesma dirección para alcanzar un futuro mellor para esta cidade e para toda Galicia", afirmou.
No acto tamén estiveron presentes o delegado do Goberno, Pedro Blanco; o subdelegado do Goberno, Julio Abalde; e o Xefe Superior da Policía Nacional, Pedro J. Carrasco.
