Esta iniciativa, publicada no Diario Oficial de Galicia (DOG), enmárcase nun réxime de concorrencia competitiva e está dirixida a financiar os servizos de vixilancia, rescate e salvamento en praias, piscinas e outras instalacións acuáticas descubertas de titularidade municipal. O período subvencionable abrangue dende o 1 de xuño ata o 30 de setembro.

As provincias da Coruña e Pontevedra, que contan cun maior número de zonas de baño, son as que reciben as maiores contías. A Coruña obtén 530.000 euros distribuídos entre 56 concellos, mentres que Pontevedra recibe 372.500 euros para 35 municipios. Séguenlles Lugo, con case 298.000 euros para 41 concellos, e Ourense, con 300.000 euros destinados a 54 municipios.

Os fondos poderán ser utilizados tanto para o persoal propio das entidades locais como para a contratación de persoas desempregadas inscritas no Servizo Público de Emprego de Galicia a través de empresas externas. En ambos os casos, os profesionais deberán estar rexistrados no Rexistro Profesional do Persoal de Socorrismo, Información e Primeiros Auxilios de Galicia antes do inicio do período subvencionable. Actualmente, este rexistro conta con máis de 4.800 profesionais.