A xornada estivo marcada polo talento e a colaboración, reunindo a nove grupos que se enfrontaron ao desafío de crear propostas culinarias innovadoras. Os participantes demostraron a súa capacidade para combinar creatividade, técnica e adaptación, elaborando pratos tanto en formato tradicional como en versión texturizada.
“"A actividade, máis alá da competición, estivo marcada pola implicación, a ilusión e o traballo en equipo de todas as persoas participantes."
O xurado, composto por expertos do Grupo Nove e alumnos do Centro Integrado de FP Paseo das Pontes, seleccionou aos gañadores en dúas categorías. Na modalidade de Mellor Prato Tradicional, foron distinguidos Joan López, José Luis Peláez e Carmen Martínez. Pola súa banda, Álvaro Casas, Gisela Galeiras e Jorge Liñares destacaron co seu Prato Texturizado. Ambos os equipos clasificados competirán na Final de Galicia, que terá lugar o vindeiro 19 de maio no Pazo Los Escudos, en Vigo.
Con esta semifinal, o concurso avanza cara á súa fase decisiva, consolidándose como unha plataforma que promove a inclusión e visibiliza o talento das persoas con parálise cerebral, subliñando o seu dereito a unha participación activa na vida cultural e social.
