O proxecto supón a implantación dun modelo de plataforma única para dotar de máis espazo para os peóns e mellorar a accesibilidade da contorna, ademais de actuacións de modernización das redes pluviais, de saneamento e das telecomunicacións.
A intervención, que se prolongou durante varios meses, incluíu a renovación dos servizos e instalacións existentes no subsolo, con actuacións nas redes de saneamento e pluviais e nas canalizacións municipais e de telecomunicacións.
“"Existía unha demanda veciñal para mudar a estética desta rúa, que pasa a contar tamén con enlousado de granito e plataforma única. A rúa estivo pechada ou parcialmente pechada durante os meses que duraron as obras, mais desde esta semana quexa aberta ao tránsito"
En superficie, a renovación permitiu continuar a sección do tramo xa acondicionado mediante a execución dunha plataforma única con pavimento de lousas de granito, eliminando a diferenza de cota entre calzada e beirarrúas. Desta forma, deuse continuidade á solución existente na contorna, mellorando a accesibilidade e a mobilidade peonil en Mantelería.
Ademais, aproveitouse a renovación de pavimentos para levar a cabo tamén a unha modernización das redes de servizos, reducindo a necesidade de realizar futuras intervencións sobre unha superficie recentemente acondicionada.
