O encontro serviu para recoñecer o esforzo e a dedicación do alumnado coruñés que superou a proba de acceso á universidade. A rexedora destacou que o acto non celebra só unha nota, senén "todo o camiño que vos trouxo ata aquí", facendo referencia ás horas de estudo, exames, traballos, nervios, ilusións e renuncias que implican estas cualificacións.
Inés Rey tamén tivo palabras de agradecemento para as familias e o profesorado que acompañaron aos estudantes nesta etapa formativa. "Este recoñecemento tamén lle pertence ás persoas que vos acompañaron nese camiño", afirmou, subliñando o papel fundamental das familias e dos docentes na transmisión de coñecementos e no desenvolvemento de capacidades.
No acto estiveron presentes tamén o concelleiro de Educación, Formación e Innovación Tecnolóxica, Juan Ignacio Borrego; a vicerreitora de Estudantes e Empregabilidade da UDC, María José Lombardía Cortiña; representantes dos centros educativos onde cursaron os estudos os homenaxeados, así como familiares e convidados do alumnado recoñecido.
Os 18 alumnos cos mellores expedientes, por orde de cualificación, foron Lara Castelo Gómez (IES Sardiñeira), Romeu Tembrás Sánchez (IES Salvador de Madariaga), Olga García Mosquera (CPR Montespiño), Carolina Varela Nieto (CPR Santa María del Ma), Javier Rubín Santamarina (CPR Sagrado Corazón), Inés Cancela Sánchez (CPR Liceo La Paz), Antonella Elena Poth Lezama (IES Elviña), Pablo Carpente Carpente (IES Eusebio da Guarda), Roi Edreira Leis (CPR Fogar de Santa Margarida), Inés Ulloa Moreno (CPR Santa María del Mar), Carmen Pérez Rodríguez (CPR Fogar de Santa Margarida), Plácido Mayán Monelos (CPR Santo Domingo), Hugo Rodríguez Prieto (IES Eusebio da Guarda), Alba García Rodríguez (CPR Esclavas Sagrado Corazón de Jesús), Sofía Franco Martínez (CPR Calasanz-Pp Escolapios), Martín Seoane Gamborino (CPR Santa María del Mar), Carmela Taboada Rodríguez (IES Monte das Moas) e Fátima Bermúdez Carretero (IES Eusebio da Guarda).
