O festival impulsado pola iniciativa 'Aquí tamén se fala' congregou a miles de persoas na Coruña este venres, convertendo a Praza da Tolerancia nun punto de encontro para a música e a cultura en galego. O evento contou coas actuacións de artistas como De Ninghures, Kid Mount, Apolo 18 e a recoñecida artista portuguesa Carolina Deslandes, quen suma un millón de seguidores en Instagram.
Esta iniciativa, que naceu no IES Rafael Dieste e xa se estendeu por máis de 200 centros educativos en Galicia, pon especial énfase na difusión da música e a cultura galegas a través das redes sociais. O seu obxectivo principal é fomentar o uso do galego e combater prexuízos que, segundo o proxecto, 'pretenden dar unha imaxe distorsionada dunha suposta Galiza que non fala no seu idioma propio'.
Un dos logros máis significativos deste ano para 'Aquí tamén se fala' foi conseguir que o Deportivo da Coruña modificase a denominación do seu topónimo, pasando de 'La Coruña' a 'A Coruña', un feito que subliña o impacto do proxecto na promoción do galego.
