A cita musical, que comezará ás 19.30 horas, contará coa participación de tres agrupacións convidadas, ademais da anfitrioa Coral Fonte do Souto. As formacións que se unirán á celebración son TradiCoro de Fene, a Coral Polifónica A Lembranza de Sada e a Coral Polifónica Ecos do Ulla de Monterroso.
“"Todas elas ofrecerán un repertorio variado no que terán cabida tanto grandes clásicos do canto coral como composicións actuais adaptadas ao canto polifónico."
O Certame de Canto Coral preséntase como unha excelente oportunidade para gozar deste xénero musical e apreciar o traballo das agrupacións corais. O Executivo de Culleredo subliña a importancia destas formacións na dinamización cultural e social da comunidade, animando a toda a cidadanía a asistir ao concerto e apoiar esta expresión artística de gran tradición.
