A oferta estará dispoñible ata o vindeiro 15 de xuño para viaxes que se realicen entre o 15 de setembro de 2026 e o 31 de marzo de 2027. A promoción aplícase a billetes de ida e volta e inclúe o servizo diferencial da compañía canaria, como a conexión gratuíta entre illas.

Os viaxeiros poderán beneficiarse das prestacións habituais de Binter, como o aperitivo gourmet de cortesía, o equipaxe de man incluído e a comodidade dos avións Embraer E195-E2, recoñecidos pola súa eficiencia e baixo nivel de ruído.

Unha das vantaxes destacadas é a posibilidade de enlazar sen custo adicional con calquera das illas canarias, grazas á súa rede de máis de 220 conexións diarias interinsulares. A compañía tamén ofrece produtos como Discover (stopover para visitar dúas illas) e AirPass Explorer para múltiples desprazamentos.

Os billetes promocionais poden adquirirse a través da páxina web da compañía, a súa aplicación móbil, o servizo telefónico de atención ao cliente e as axencias de viaxes autorizadas. Con esta campaña, Binter reforza a conectividade entre Galicia e Canarias.