A Unidade de Emprego do Vicerreitorado de Estudantes e Empregabilidade da UDC estará presente nas Xornadas de Benvida #OlaUDC. O obxectivo é dar a coñecer ao novo estudantado os programas, iniciativas e futuros proxectos orientados a impulsar e mellorar a súa empregabilidade.
O evento terá lugar en dous campus: no Campus de Elviña (A Coruña), no Estadio Universitario Mariña Dourada, e no Campus de Ferrol, na Praza de Humanidades. En ambos os casos, o horario será de 11:00 a 16:00 h.
A UDC anima aos estudantes a achegarse ao seu stand para recibir información sobre as oportunidades que a universidade pon á súa disposición para desenvolver competencias e preparar o seu futuro profesional.
