Os nacionalistas subliñan a necesidade de que este órgano, considerado o máximo espazo de participación cidadá en materia educativa, aborde diversas problemáticas que afectan aos centros do municipio.
“"O Consello Escolar Municipal nunca se reuniu durante este mandato, a pesar das nosas peticións reiteradas."
Entre as preocupacións expostas polo BNG atópanse a "redución do persoal de apoio" nos centros educativos e a "ameaza do aumento de prezo do comedor escolar en Tarrío". Ademais, a formación considera fundamental tratar as listas de espera nas escolas infantís e as "continuas queixas" dos consellos escolares de distintos centros, relacionadas co "deficiente mantemento" das instalacións e a falta de solucións a demandas recorrentes.
