O proxecto permitirá construír unha senda peonil e urbanizar este tramo para mellorar a seguridade, a accesibilidade e a calidade urbana da contorna, respondendo aos obxectivos do Plan de Accesibilidade municipal e ao compromiso coa mobilidade sostible.
A intervención busca transformar o espazo público mediante a creación de itinerarios seguros e accesibles, dando prioridade aos peóns e mellorando as condicións de circulación. O tramo presenta deficiencias como a ausencia de beirarrúas e cunetas, visibilidade limitada e elevada velocidade dos vehículos, o que dificulta os desprazamentos a pé, especialmente para familias con nenos que utilizan as dúas paradas de transporte público e escolar presentes na zona.
O proxecto contempla a construción dunha senda peonil para garantir a continuidade dos itinerarios, novos pasos de peóns e a reforma da sinalización vertical e horizontal. Tamén se instalará unha nova rede de iluminación pública LED, renovarase a rede de saneamento e adaptaranse as infraestruturas de evacuación de augas pluviais.
Ademais, soterraranse as liñas aéreas eléctricas e de telecomunicacións e incorporarase novo mobiliario urbano co fin de mellorar a funcionalidade e a integración estética do espazo. O Concello busca así avanzar na humanización das vías e na accesibilidade universal.
