O obxectivo principal da xuntanza foi avaliar e potenciar as ferramentas dispoñibles para as administracións locais na loita contra os lumes. Entre os temas tratados destacaron os convenios para a adquisición de maquinaria e a dotación de brigadas, así como o sistema público para a xestión da biomasa nas franxas secundarias.
A Xunta de Galicia informou que a Consellería do Medio Rural asinou a finais do ano pasado un novo acordo coa empresa pública Seaga. Este convenio busca apoiar tanto a propietarios como a concellos no cumprimento das súas obrigas en relación coa xestión da biomasa en franxas secundarias.
“"Esta colaboración conta cun orzamento de 25 millóns de euros anuais, o dobre que o anterior, e xa solicitaron a súa adhesión 295 concellos."
No encontro participaron os alcaldes dos concellos de Entrimo, Bande, Lobios, Lobeira e Muíños, que conforman a Baixa Limia, xunto co delegado territorial da Xunta en Ourense.
