O simposio, organizado por docentes da Universidade de Vigo, reúne a expertos en morfoloxía lingüística para debater sobre a diversidade e os estudos contrastivos. Esta é a segunda vez que o evento se celebra en Vigo, a primeira tivo lugar en 2010.
O acto inaugural estivo marcado pola lembranza do profesor Antonio Rifón, figura clave na morfoloxía e quen xa acolleu este encontro en 2010. A secretaria xeral da UVigo, Emma Rodríguez, a profesora María Méndez e Susana Rodríguez Barcia foron as encargadas de renderlle homenaxe, repasando a súa traxectoria e o seu legado a través das súas propias palabras.
“"A orde no desorde. Todo está marabillosamente ordenado e desordenado á vez."
O encontro, que conta coa participación de 30 expertos de 12 universidades, continuará este venres coa presentación de comunicacións e pósters. A temática central deste ano céntrase nos estudos contrastivos e a diversidade lingüística, baixo o título Tecer morfoloxías: estudos contrastivos e diversidade lingüística, buscando unha visión máis holística da morfoloxía.
O programa inclúe relatorios en galego e sobre lingua de signos, ademais de comunicacións sobre linguaxe inclusiva. Destacan as conferencias de María José Rodríguez Espiñeira (USC) sobre contacto español-galego e Francisco Xosé Dubert (USC) sobre o xénero nos substantivos galegos. Tamén participará Aida Villaécija (UPF) cun relatorio sobre lingua de signos catalana.
