O evento reuniu a estudantes de diversos puntos de Galicia, quen se desprazaron ata a urbe olívica para participar na cerimonia de recoñecemento. A xornada estivo marcada pola intervención dun representante da Autoridade Portuaria de Vigo, quen compartiu unha fábula sobre a orixe das cunchas de vieira como símbolo do Camiño.
“"Conta a lenda que, en Bouzas, un cabaleiro foi casar e cando estaba a piques de celebrarse a voda, o seu cabalo meteuse na auga e parou diante dun barco, un barco do que se dicía que levaba os restos do Apóstolo. Cando o cabaleiro saíu da auga, apareceu vestido de cunchas, de cunchas de vieiras, un elemento moi relacionado co Camiño de Santiago."
O proxecto «Escola en Camiño», que xa celebra a súa quinta edición, contou coa participación de máis de 3.000 estudantes procedentes de preto dun cento de centros educativos. Esta iniciativa é froito da colaboración entre varios medios de comunicación e a Consellería de Educación, consolidándose como un referente na promoción do patrimonio cultural galego.
