A investigación iniciouse tras a denuncia presentada polo fillo da vítima o pasado 23 de abril, quen alertou da desaparición dunha cadea e un colgante de ouro pertencentes á súa nai.

Os axentes do Grupo Operativo de UDEV-Roubos da Brigada Local de Policía Xudicial lograron localizar as pezas en dous establecementos de compra-venda da cidade, onde foran vendidas polo propio empregado do centro asistencial.

As pescudas tamén revelaron que o detido podería ter realizado outras vendas de xoias de ouro en polo menos cinco transaccións adicionais, polo que a investigación permanece aberta para determinar a procedencia destas outras pezas.

O home, arrestado como presunto autor de delitos de furto e estafa, xa pasou a disposición xudicial.