A Semente dos Soños conta con un sistema propio de ensino e aprendizaxe no que conviven diferentes metodoloxías. Segundo explica o propio centro, parte dos seus coñecementos pedagóxicos procede dunha inmersión curricular realizada en Finlandia, un dos países internacionalmente asociados a modelos educativos centrados na autonomía, o respecto polos ritmos de aprendizaxe e o benestar do alumnado.
Este enfoque combínase con principios de pedagogías activas, o seguimento académico individual, o traballo sobre as emocións e a creación dunha verdadeira conciencia de grupo. A idea é sinxela, aínda que non sempre fácil de atopar: Para que un neno aprenda, primeiro debe sentirse seguro, comprendido e respectado. "Aquí non se pretende que todo o alumnado aprenda da mesma maneira nin ao mesmo ritmo. Os contidos conéctanse con situacións reais, preséntanse de forma motivadora e adáptanse ás necesidades concretas de cada estudante." O centro dispón, ademais, de grupos específicos de alta concentración cun máximo de catro alumnos e de grupos reducidos de reforzo e reeducación psicopedagóxica.
Un equipo cuxo currículo marca a diferenza, un equipo multidisciplinar con perfís que dificilmente adoitan coincidir dentro dun mesmo centro educativo.
A súa fundadora, Diana, reúne formación en Educación Infantil e Primaria, atención temperá, psicomotricidade, pedagoxía terapéutica, metodoloxía Montessori aplicada á lectoescritura e as matemáticas, psicopedagoxía e neuropsicopedagoxía. A súa formación inclúe tamén coñecementos de bioloxía celular, bioquímica, anatomía e histoloxía.
O equipo incorpora igualmente especialistas en Matemáticas, Física e Química, inglés con nivel C2, Pedagoxía, lecer e tempo libre centrado na inclusión educativa, ensino de español como lingua estranxeira e educación musical.
Na área tecnolóxica, o centro conta cun enxeñeiro superior de Telecomunicacións, recoñecido co Premio Galicia das Telecomunicacións 2017 e especializado en programación, electrónica e redes.
Esta combinación permite que o alumnado poida recibir acompañamento académico e psicopedagóxico, pero tamén acceder a experiencias que van moito máis alá dos libros: Laboratorios de ciencias, física e química a través da maxia, robótica, programación, electrónica, música, arte, historia, xeografía e obradoiros creativos.
Detectar para acompañar, non para etiquetar: Outra das grandes diferenzas de A Semente dos Soños é a súa área de Psicopedagoxía e Orientación.
O centro realiza valoracións destinadas a coñecer as fortalezas e necesidades do alumnado en perfís como TDAH, TEA, dislexia, discalculia ou disgrafía. Este traballo acompáñase de orientación ás familias, seguimento individual e coordinación con centros educativos e outros profesionais.
A finalidade non é reducir un neno a un diagnóstico, senón entender que necesita para avanzar e ofrecerlle ferramentas que lle permitan aprender con maior seguridade e confianza.
As familias explican o que as estatísticas non poden contar:
A calidade dun proxecto educativo pode presentarse mediante titulacións, metodoloxías ou programas, pero quizais a proba máis importante aparece cando as familias describen como se senten os seus fillos ao acudir ao centro.
As opinións publicadas falan repetidamente de nenos que entran ilusionados, que aprenden divertíndose e que piden volver ao día seguinte. Tamén destacan o cariño, a proximidade, a creatividade do equipo e a tranquilidade de saber que os seus fillos están atendidos por profesionais que coñecen e respectan as súas necesidades.
Unha familia chega a afirmar que «Google debería permitir as 6 estrelas». Outra resume a esencia do proxecto sinalando que non se limitan a coidar os nenos: «motívanos, estimúlanos, fanos sentir queridos».
A ficha pública de A Semente dos Soños en Google mostra unha valoración de 5,0 sobre 5 asociada a máis de cen usuarios, unha cifra que reforza a impresión transmitida polos testemuños recollidos na propia web do centro.
Unha Educación Complementaria, unha proposta innovadora, que lles outorgará o vindeiro 3 de Outubro un dos galardóns internacionais que recoñecen a excelencia directiva, Best CEO Woman, debido á súa visión estratéxica e o liderado transformador dentro dos moitos directores executivos e líderes empresariais globais.
