Menor manifestou que certas actitudes contribúen a unha profunda desafección da cidadanía cara á política. Subliñou que os servidores públicos teñen a obriga legal de declarar os seus ingresos e explicar cada un deles, algo que considera unha "servidume" inherente á xestión pública.
“"Cando un se dedica á xestión pública, sabe que ten unha serie de, entre comiñas, servidumes. É dicir, entre outras cuestións, ten que ser totalmente transparente con algúns aspectos que as persoas particulares non teñen por que selo."
O presidente provincial cualificou a situación como "moi delicada", insistindo en que os cargos públicos deben ser "exemplares" para non alimentar a desconfianza na política, especialmente no Concello de Ourense. Tamén sinalou que estas condutas dificultan a incorporación de novas persoas á política, xa que xeran un ambiente de presión e fiscalización que desanima a posibles candidatos.
“"Ás persoas que nos dedicamos á política cada día nolo poñen máis difícil, sobretodo se tes unha posición particular."
Menor lamentou que, a pesar de buscar "as mellores alternativas" nos concellos, moitas persoas adecuadas rexeitan involucrarse na política debido ás "limitacións de ingresos e todo tipo de fiscalización" que implica o cargo.
