Tras o partido, o técnico da UD Ourense analizou o encontro, destacando que o inicio foi o esperado debido á calidade do rival. Non obstante, sinalou que lle gustaría ver máis personalidade no seu equipo, especialmente na primeira metade, onde non se atreveron o suficiente co balón.
“"O 0-0 é un bo resultado, pero espero que saiamos con máis personalidade e que o que fixemos na segunda parte tamén o fagamos na volta. Temos un rival enfronte moi forte e esperamos saír sen complexos ao partido."
O adestrador tamén fixo fincapé na mellora do equipo na segunda parte, onde tiveron máis posesión e chegaron con maior frecuencia á área contraria. A pesar de sufrir un pouco ao final, o equipo mostrou a súa identidade habitual.
En canto ao resultado e ao partido de volta, o técnico da UD Ourense subliñou que o empate a cero e o factor campo xogarán ao seu favor. Recordou que en eliminatorias anteriores, mesmo con desvantaxe de campo, lograron superar a rolda. Confía en que o partido de volta en O Couto será unha festa para a afección.
“"O equipo fixo un partido de notable, soubemos adaptarnos ás circunstancias despois dunha viaxe con tantos quilómetros. Sabemos que estes encontros se definen por pequenas cousas e é un orgullo que a eliminatoria poida decidirse na casa."
