Os traballos, financiados integramente con fondos municipais, céntranse na substitución de 70 metros de tubaxe de gres por unha nova condución de PVC. Esta medida busca optimizar o funcionamento da rede de saneamento na zona, mellorando a súa eficiencia e durabilidade.
Ademais da renovación da tubaxe, a intervención inclúe a construción de tres arquetas de rexistro. Estas estruturas son fundamentais para facilitar a supervisión e o mantemento da rede, permitindo unha rápida actuación ante posibles atascos ou incidencias.
“"Seguimos traballando ao longo de todo o ano para mellorar o saneamento nas distintas parroquias e núcleos do concello, realizando actuacións que permiten modernizar as infraestruturas públicas e ofrecer un mellor servizo á veciñanza."
Durante os últimos días, a Brigada de Obras realizou a apertura da vía para localizar e retirar a antiga tubaxe, instalar a nova condución e proceder ao peche da zanxa. Unha vez finalizados estes traballos, será necesario un período de tempo para o asentamento natural do terreo antes de acometer a reposición definitiva do firme da estrada, prevista para os próximos días.
“"Este tipo de intervencións son fundamentais para garantir o correcto funcionamento da rede e evitar problemas futuros. O saneamento é desde 2023 unha prioridade estratéxica para o Goberno local de Muros, con dous millóns de euros xa investidos neste servizo público, tan importante ademais para o sector marisqueiro."
