A recollida de sangue para o estudo de investigación sanitaria comezou esta tarde no Hospital Universitario Lucus Augusti, dirixida a persoas que recibiron unha invitación por SMS. As extraccións prolongaranse ata o 29 de outubro.
O horario para asistir á extracción, que require cita previa, é de 15:30 a 18:30 horas. Non é necesario acudir en xaxún, e o persoal sanitario proporcionará información detallada sobre o proceso aos participantes.
Para esta nova fase, enviáronse 1.947 mensaxes SMS de invitación aleatoria en Lugo e 342 en Cee. O obxectivo é acadar a participación de 389 persoas no distrito sanitario de Lugo e 68 no distrito de Cee.
As mostras tamén se tomarán no Hospital Público Virxe da Xunqueira o 15 e 22 de outubro. Próximamente, a participación abrirase tamén aos distritos sanitarios da Coruña e de Pontevedra e O Salnés.
O proxecto Xenoma Galicia xa analizou 3.112 mostras biolóxicas. Na fase 1, a análise de 1.279 mostras permitiu detectar 25 casos positivos para patoloxías cribadas: 14 en cancro de mama e ovario hereditario, 2 en síndrome de Lynch e 9 en hipercolesterolemia familiar.
En total, ata o momento detectáronse 53 positivos (19 do piloto de sangue, 9 do piloto de saliva e 25 da fase 1), incluíndo casos de cancro de mama e ovario, síndrome de Lynch e hipercolesterolemia familiar.
