A noticia, que xa era un rumor persistente, oficializouse na mañá do domingo, xusto antes do derbi contra o Noia Portus Apóstoli. Tanto o presidente saínte como o líder do novo grupo confirmaron o acordo que marca o fin dunha etapa e o inicio doutra para o club ferrolán.
“"Hoxe acábase unha etapa, unha etapa na que xa levamos a friorenta de 48 anos, algo que naceu por accidente, un equipo de barrio que empezamos xogando maratóns ao tolo e que xamais pensamos, nin se nos pasou pola cabeza na mellor das ilusións, que iamos conseguir o que conseguimos ata a data."
O presidente saínte expresou a súa emoción ao despedirse dunha institución que considera “como un fillo”, poñendo fin a case medio século de dedicación que será lembrado pola afección. Pola súa banda, o novo propietario destacou que o acordo xurdiu tras meses de reunións e co obxectivo de crear “un proxecto bonito, un proxecto de cidade, de comarca, un proxecto estable”.
“"Cando un amigo te chama e che pide axuda, tiña que darllela. Queremos profesionalizar o club. Non podemos depender tanto do apoio institucional, temos que ter unha presenza importante a nivel privado á hora do noso orzamento."
O novo responsable, xunto a un colaborador que estará máis presente no día a día, manifestou a intención de profesionalizar o club. Subliñou a necesidade de reducir a dependencia do apoio institucional e de fortalecer a presenza privada no orzamento. O plan de xestión basearase en catro eixes fundamentais: un equipo directivo cualificado e especializado en fútbol sala, o apoio institucional, o ecosistema empresarial e a mellora das instalacións para xerar negocios e experiencias.
Aínda que non se ofreceron detalles sobre a planificación do cadro de xogadores, o novo propietario indicou que, a pesar de ir “xustiños para o mercado”, o obxectivo é dar continuidade á boa tempada actual e consolidar o proxecto deportivo.
