Esta iniciativa busca aumentar a visibilidade do persoal investigador, do CIF e da Universidade da Coruña, apoiando a obrigatoriedade de publicar en revistas de acceso aberto esixida por algunhas convocatorias de financiamento de proxectos. Ademais, contribúe a alcanzar o obxectivo do CIF de incrementar o número de publicacións en revistas Q1 do JCR.
As axudas financiarán o pago, impostos incluídos, do importe parcial ou total dos gastos de publicación en aberto de artigos publicados en revistas do primeiro cuartil (Q1) do último JCR, priorizando as do primeiro decil (D1). Fináncianse gastos que non fosen abooados ou, excepcionalmente, os xa pagados, sempre que o custo íntegro fose asumido nun único pagamento e poida acreditarse documentalmente.
O importe máximo da convocatoria é de 5.000 €. A contía específica de cada axuda será determinada pola comisión avaliadora segundo os criterios establecidos na convocatoria e en función do número de solicitudes presentadas. A data de publicación dos artigos debe estar comprendida entre o 01 de xaneiro e o 28 de outubro de 2026.
