O director xeral de Comercio e Consumo, Gabriel Alén, achegouse ata San Cristovo de Mouricios (Chantada) para coñecer o curso sobre a técnica tradicional francesa do Bouyricou, impartido por Corentin Laval e Karen Gossart. Esta iniciativa forma parte do proxecto Fibranzas. Laboratorio das fibras vexetais.
Alén subliñou a importancia destas accións para a transmisión do coñecemento artesanal e a necesidade dunha formación integral que mellore a competitividade dos artesáns e capte novos talentos.
O programa formativo Fibranzas, iniciado en 2025 e parte da iniciativa Aprender da tradición. Oficios e técnicas da Fundación Artesanía de Galicia, busca afondar nas técnicas de cestería e nas súas posibilidades contemporáneas. O proxecto foi nomeado aos Premios Nacionais de Artesanía 2026 na categoría Premio Promociona.
O curso actual, que se desenvolve ata o mércores 21 de outubro, conta con 14 alumnos que aprenderán técnicas de cestería francesa dirixidos por Corentin Laval e Karen Gossart, do proxecto L’Oseraie d’Ile, quen cultivan a súa propia materia prima.
Corentin Laval ensinará a técnica ancestral en espiral do Bouyricou, mentres que Karen Gossart impartirá unha técnica de tecido con vimbio para novas formas, coñecida como Panier Galicien.
