A obra, titulada Algo quedará de mí. Historia de diez heroínas de la Resistencia en el campo de Ravensbruck, xurdiu tras o descubrimento casual dun libro sobre o devandito campo de concentración. A autora, impactada pola magnitude do horror vivido por 130.000 mulleres neste campo nazi, decidiu investigar e recompilar testemuños.
A selección das dez protagonistas baseouse na existencia de bibliografía, memorias ou testemuños que servisen de guía para reconstruír as súas vidas. En moitos casos, a información directa era escasa, polo que foi necesario recorrer a persoas que as coñeceran para extraer recordos e frases significativas.
“"Contamos a historia da amizade, os círculos de amizade, a resistencia que manteñen alí, esta decisión inmediata que toman de alistarse nos grupos da resistencia e logo as que sobreviviron, que se impuxeron como deber, polas que faleceran e para que non volvera pasar, dar testemuño e manter toda a súa vida a memoria do que fora aquel horror."
Entre as historias recollidas, a autora destaca a dunha monxa rusa, cuxa biografía abarca desde a revolución rusa ata a súa labor axudando refuxiados en Francia. Esta figura, que foi poeta e alcaldesa, converteuse en relixiosa ortodoxa coa condición de non encerrarse nun convento, dedicándose a actos de heroísmo continuos.
O libro, publicado por Galaxia Gutenberg, condensa dez pequenas biografías de vidas exemplares, cheas de coraxe e defensa da humanidade nun dos momentos máis escuros da historia.
