Segundo os últimos datos oficiais, a pensión media de xubilación para os autónomos galegos sitúase en 924,98 euros mensuais. Esta cifra contrasta cos 1.558 euros que perciben os traballadores acollidos ao Réxime Xeral, o que supón unha fenda de 633,03 euros cada mes.
“"Esta situación é consecuencia de décadas de cotizacións mínimas, motivadas pola inestabilidade dos ingresos e polas dificultades económicas que historicamente sufriu unha boa parte do colectivo autónomo."
Por provincias, as pensións de xubilación dos autónomos distribúense da seguinte maneira: A Coruña (945,30 euros), Lugo (883,96 euros), Ourense (878,15 euros) e Pontevedra (957,53 euros). En canto á pensión media total dos autónomos en Galicia, esta alcanza os 842,42 euros mensuais, fronte aos 1.329,48 euros do Réxime Xeral, o que representa unha diferenza de máis de 487 euros.
Actualmente, Galicia conta con 227.785 pensións do Réxime Especial de Traballadores Autónomos (RETA), das cales 153.105 corresponden a pensións de xubilación. A organización atribúe esta desigualdade á práctica xeneralizada de cotizar polo mínimo durante anos, debido á inestabilidade económica e ás dificultades que moitos autónomos afrontaron ao longo da súa vida laboral.
