A iniciativa busca facilitar a doazón de sangue entre os traballadores e traballadoras destes establecementos, que colaboran con ADOS desde 1994. As unidades móbiles estarán situadas en puntos estratéxicos de cada cidade: na Rúa Ramón y Cajal fronte a El Corte Inglés A Coruña, na entrada principal do establecemento de Santiago de Compostela e na Rúa Ecuador, fronte á porta de persoal, en Vigo.
Os profesionais poderán doar en horario continuado de 09:30 a 14:30 e de 15:30 a 21:00 horas. El Corte Inglés rexistrou 7.952 doazóns nas tres últimas décadas nestas campañas, cunha media anual duns 250 doazóns, que permiten realizar 125 operacións cirúrxicas ou transfundir plaquetas a 50 doentes oncolóxicos.
A Axencia de Doazón de Órganos e Sangue recoñece a sensibilidade e o altruísmo de El Corte Inglés, destacando a importancia da implicación empresarial para garantir as reservas de sangue axeitadas para o sistema sanitario galego.
Para máis información, ADOS dispón do portal web ados.sergas.gal, redes sociais e o teléfono gratuíto 900 100 828.




