O proxecto, impulsado polo Goberno local, dotará á cidade dun complexo deportivo de aproximadamente 1.200 metros cadrados, cunhas dimensións de 30x40 metros. Este espazo estará completamente equipado para a práctica de múltiples disciplinas de praia, como o vólei, o fútbol, o balonmán e o tenis.
A iniciativa contempla unha renovación integral da área deportiva, enfocada en optimizar a calidade do xogo e a eficiencia da drenaxe. Para iso, incluiranse colectores de espiña de peixe que facilitarán a evacuación da auga, tanto na superficie como no subsolo. Ademais, mellorarase a seguridade do recinto cun novo peche perimetral e a instalación de redes de protección para aumentar a súa funcionalidade.
“"Será unha zona amplamente equipada para que a veciñanza poida desfrutar dos deportes de praia, que ten unha relación moi estreita coa cidade e están gañando cada vez máis adeptos. Este Goberno se toma moi en serio a mellora e expansión das instalacións deportivas de todo tipo, e por iso investimos cada vez máis fondos e recursos nestas actuacións."
As novas instalacións contarán tamén cun moderno sistema de iluminación LED, composto por catro báculos de 8 metros de alta eficiencia, que permitirá a práctica deportiva durante a noite. Complementariamente, realizaranse traballos de pintado e recuperación dos muros existentes, así como outras actuacións de posta a punto dos elementos da contorna.
Esta actuación enmárcase nunha estratexia máis ampla do Concello para intensificar as melloras nas instalacións deportivas da cidade, tanto no mantemento das existentes como na ampliación da rede de equipamentos. O Goberno local puxo en marcha o Plan director de instalacións e equipamentos deportivos, co obxectivo de cubrir as deficiencias existentes e planificar de forma óptima as futuras intervencións.
