O proceso de distribución das prazas dispoñibles nas escolas infantís municipais da Coruña estase a pór en marcha nos vindeiros días. A lista de solicitudes fóra do prazo ordinario ou por causas excepcionais xa foi publicada polo Concello, que tamén actualizou o número total de vacantes nos diferentes centros da cidade para levar a cabo o reparto final.
Actualmente, o curso con máis prazas libres é o de 3º (para nados en 2024), cun total de 117 vacantes. Séguenlle o curso de 1º (nados en 2026), con 40 prazas, e o de 2º (nados en 2025), con 12. Estas vacantes distribuiranse entre as familias que figuran na primeira lista de espera e as novas solicitudes rexistradas.
“"Estamos a traballar para que todas as familias poidan dispoñer deste servizo nun dos centros públicos desta cidade. Cómpre recordar que todas as escolas infantís son gratuítas para as familias, e o noso obxectivo é que cada ano chegue a máis xente"
O Concello prevé facer a distribución das prazas seguindo criterios de puntuación entre as familias solicitantes. As vacantes que se produzan ata decembro deste ano iranse cubrindo coa lista de espera, ofertando as prazas por orde. Se unha familia non acepta a praza ofertada, manterá a súa posición na lista de espera para futuros chamamentos.
A lista de espera actualizada e a relación de prazas vacantes poden consultarse na páxina web do servizo de Educación do Concello da Coruña.
